„Црвено црните“ го продолжуваат патот:„Вардар“ патува во Келн да ја брани круната!

Ракометарите на Вардар им донесоа нова радост на своите навивачи, четата на Раул Гонзалез ќе го брани големиот трофеј на фајнл-фор турнирот во Келн откако го елиминираше силниот Кил и покрај поразот во „Јане Сандански“.
Вардар ќе ја брани титулата во ракометната Лига на шампионите, откако во тежок меч, последен европски во ваков состав, успеа да дојде до реми 27:28 во уште една завршница за „срцев напад“, и по првата минимална гостинска победа од 29:28 да се пласира меѓу четирите најдобри европски тимови.

Тимот на Раул Гонзалес беше најдобар кога беше најтешко и најпотребно, „кршејќи“ го мечот во второто полувреме по 13:13 по првите 30 минути, и сега уште еднаш треба да потврди дека е најдобар клуб во Европа пред следната сезона да почне една нова ера за момците во „црвено-црно“.
Почетокот не беше најдобар за Вардар, откако дури шест минути не успеаја да постигнат гол против неверојатниот Никлас Ландин, за гостите да поведат со 0:3, за по ова македонскиот клуб охрабрен од преполната СЦ „Јане Сандански“ да направи пресврт за водство од 10:7. Сепак, Кил преку Зарабец и Вујин во финишот на полувремето не дозволија предност за домаќините и второто полувреме започна со 13:13.
Второто полувреме ја крена нервозата кај навивачите и кај гледачите на ТВ екраните, откако Вардар не успеваше да се одлепи од германскиот состав, кој покажа дека е во четврт-финалето сосема заслужено. Во финишот тие успеаја дури да дојдат до водство од 27:28 (со кое Вардар, сепак, влегуваше на Ф4), пред во последните секунди Тимур Дибиров да избори реми.
Вуко Борозан беше најрасположен за „гаѓање“ кај вардарци со постигнати шест гола, додека четири имаше Мораеш.
На Ф4 турнирот во Германија, Вардар веќе го чекаат два француски тима – Пари Сен-Жермен по вчерашната елиминација на Киелце, како и Нант на Кирил Лазаров, кои одиграа 27:27 на гостувањето кај данскиот Скјерн, но имаа високи шест предност од првиот натпревар.
И третиот противник може да биде француски, бидејќи Монпелје подоцна ги пречекува Флензбург откако првиот меч заврши со 28:28.
Завршниот турнир на ЛШ ќе се игра на 25. и 26. мај во Келн.


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

4 работи со кои не смеете да претерате: Можат да влијаат на вашето здравје

Би се рекло дека сè што не е умерено може на некој начин да ни …