(ФОТО) Прв заеднички ангажман на двата кралски пара: Меган и Кејт без директен контакт со очи!

Меган Маркл ја одработи својата прва службена должност со идниот сопруг, принцот Хари, неговиот брат Вилијам и војвотката Кејт. Стручњакот за говор на телото, Џуди Џејмс тврди дека глумицата не се срамела, туку била со став, одлучна да се слушне нејзиниот глас. Таа вели дека Меган е новата „принцеза на народот”.
Џејмс наведува дека Меган воопшто не била нервозна поради јавното појавување, дури Кејт Миделтон имала поголем израз на страв.
Меган во британските медиуми е окарактеризирана како „новата Дијана” поради својата спонтаност и непосредност, емотивен пристап и енергија со која зрачи, а “The Sun” пишува дека таа со сигурност е новата “принцеза на народот”.

Принцовите Хари и Вилијам со нивните партнерки Меган Маркле и Кејт Мидлтон имаа прв заеднички ангажман при отворањето на „Royal Foundation Forum“. Целта на овој настан е да го покаже прогресот на добротворните проекти со кои се занимаваат младите членови на кралското семејство.


Темата на состанокот на Фондацијата беше „Заедно да направиме разлика“.
„Нашата задача не е да го измислиме тркалото, туку да го следиме примерот, оставен во наследство од оние пред нас, да опстојуваме на вредностите кои секогаш биле важни за нашето семејство, а во исто време ги поддржуваме проектите преку понапредни и посоодветни за нашата генерација средства и јавни настапи“, рече Вилијам.

Првите заеднички фотографии на четворицата се појавија по Божиќ, кога заедно со другите претставници на кралското семејство беа на традиционалната божиќна служба во Сандрингам. Но, ова, е нивен прв јавен ангажман.
„Ќе направам се’ што е до мене жените во Англија да добијат храброст и нивната положба да се подобри. Треба да станат свесни за својот глас и да го користат“, истакна Меган.


Меган, која наскоро ќе стане дел од кралското семејство, рече дека со нетрпение очекува поактивно да работи во Фондацијата, бидејќи и досега имала успеси во хуманитарни акции, а била посветена во борбата за правата на жените уште од тинејџерски години.

За оваа прилика Меган носеше со фустан на „Jason Wu“ во вредност од 1.415 фунти, а Кејт Мидлтон беше со фустан на „Seraphine“ по цена од 99 фунти.


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) Зверев признал дека боледува од дијабетес

Александар Зверев јавно признал дека со години боледува од дијабетес и најави формирање на фондација …