(ФОТО) Совети од фитнес експерт: Јадете спанаќ, не пијте со цевки и не правете многу кардио вежби

Иако многумина веруваат дека им требаат скапи креми и третмани за слабеење за да изгледаат младолико и фит, постојат мали трикови со кои можете да го постигнете тоа.
Белинда Нортон е фитнес експерт и мајка на три деца и изгледа одлично за нејзините 38. години.

Таа на својот блог сподели совети со кои ќе го забавите стареењето и ќе изгледате свежо и фит.

Јадете боровинки секој ден
Белинда советува да јадете боровинки секој ден за појадок, и тоа свежи или во смути. Доволно е една рака боровинки во комбинација со нешто друго.
Боровинките се полни со антиоксиданси и витамини што го забавуваат стареењето на кожата, а добро делуваат и на мозокот и циркулацијата на крвта.

Правете ексфолијација на кожата
Белинда прави ексфолијација на кожата на лицето на секои три дена, со квалитетен производ за таа намена. Овој третман ја намалува појавата на брчки и го чисти лицето од токсини.

Вежбајте кардио вежби, но поретко
„Сакам да трчам, но претераното трчање може да има спротивен ефект врз телото. Порано многу трчав, сé додека не увидов дека трчањето ми прави голем стрес на телото.

Не треба да се претерува со кардио вежби бидејќи може да го оптоварите срцето. Сега трчам од 3 до 7 километри, а преферирам аеробик и други вежби за телото.“

Не користете цевки за пијалаци
Цевките предизвикуваат појава на брчки околу устата, па избегнувајте ги колку што е можно повеќе.

Јадете храна која и’ дава сјај на кожата
Сјајниот изглед на кожата е знак дека се храните здраво, а со тоа и изгледате помладо. Белинда препорачува да јадете спанаќ дури 5 пати неделно – во салати, со ориз или со јајца.
Секој ден треба да јадете и бадеми, а се секој оброк пожелно е да вклучите и зеленчук.

Правете си топла бања еднаш неделно
„Нурнете“ се во топла бања во кадата барем еднаш неделно. Во водата пожелно е да додадете малку лимон или некое есенцијално масло за убава арома.

На овој начин, ќе ги опуштите мускулите, ќе ги исчистите порите, а ќе го релаксирате и умот.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.


Видете следно

(ФОТО) 7. неверојатни жени постари од 50. години кои ќе ве инспирираат да работите на себе

Одржување на добра физичка форма е исклучително тешко, особено по одредена возраст. Но, за некои …