ekran платформа за слободоумни
Луис Хамилтон не можеше да посака подобра трка во Сингапур. Британецот победи а неговиот конкурент за титулата, Себастијан Фетел не ја заврши трката
Мерцедес цел викенд заостануваше зад Ред Бул, а по вчерашните кавлификации и зад Ферари, па на Луис Хамилтон му требаше чудо за да стигне до победа.
Британецот токму тоа го доби откако за прв пат трката во Сингапур започна со дожд.
BREAKING: Lewis Hamilton wins in Singapore and extends his world championship lead to 28 points 🏁🏆#SingaporeGP #F1NightRace 🇸🇬 #F1 pic.twitter.com/dihkc791vf
— Formula 1 (@F1) September 17, 2017
Влажната патека донесе голем инцидент уште во првиот свиок, Фетел се обиде да ја заштити својата позиција и тргна во лево, но не беше свесен дека неговито тимски колега Раиконен имаше одличен старт и се обиде да го помине Верстапен од внатрешната страна.
Младиот Холанѓанец беше во сендвич, немаше многу простор па контактот беше неизбежен. Верстапен и Раиконен трката ја завршија уште во првиот свиок, додека пак Фетел заработи тешко оштетување на болидот и заврши во бариерата веќе во петтиот свиок.
Here is the video of the #Crash #F1 #Vettel #Kimi #F1 @PortalHamilton @Team_LH #TeamLH #SingaporeGP pic.twitter.com/EzRduz6Jox
— Lewis Hamilton #F1 (@PortalHamilton) September 17, 2017
Па Луис Хамилтон иако стартуваше како петти, ја поведе трката а зад него се најде Даниел Рикиардо.
Британецот знаеше како да го искористи подарокот, па со мудро возење стигна до победа и креираше 28 поени предност на врвот во генералниот пласман.
.@danielricciardo is hoping for some help from his teammate 😂
"I still believe we can do it, ideally Max takes Seb out"#SingaporeGP #F1 pic.twitter.com/h7oMnQJeKt
— Formula 1 (@F1) September 17, 2017
Рикардо, кој беше брз цел викенд, мораше да се задоволи само со втората позиција, а последното место на пиедесталот беше за Ботас.
Со бодови уште завршија, Саинц, Перез, Палмер, Вандорн, Строл, Грожан и Окон.
