(ФОТО) Планинар наишол на ПОТОК ШТО МИРИСА НА ПИВО: На хавајскиот остров Оаху тече алкохол!

Еден планинар наишол на поток кој мириса на пиво додека се движел околу островот Оаху на Хаваите. Тестовите покажале дека содржината на алкохол во водата е дури 1,2 отсто, пишува Washington Post.
Минатиот месец планинарот се шетал по терен со бујна вегетација во Ваипи, град на хавајскиот остров Оаху, кога почувствувал, како што рекол, остар мирис на алкохол.
Планинарот стапил во контакт со Керол Кокс, локална активистка и адвокатка која ја води непрофитната организација „EnviroWatch“, бидејќи мислел дека се работи за загадување на водата.
Кокс за Washington Post, откако излегла на терен, изјавила дека „мирисот на потокот е навистина страшен“.
Кокс и уште неколку колеги забележале дека одредена течност тече во потокот низ карпата до автопатот, каде што се наоѓа еден од најголемите дистрибутери на алкохол и пијалоци на островите.
Кокс го пријавила случајот на владини претставници, кои утврдиле дека изворот на загадувањето е Paradise Beverages.


Компанијата соработува на целиот случај, бидејќи можно е на некој начин алкохолот од нивните простории да оди во блиските водотеци.
Тестовите покажале дека нивото на алкохол во водата е 1,2 отсто. Кокс рекла дека не е изненадена од силната смрдеа во близина на компанијата за пијалоци во Ваипи, која се наоѓа на околу 40. километри северозападно од Хонолулу.
Таа исто така рекла дека таквите работи се „вообичаени“ на Хаваи – во минатото, вели таа, видел потоци загадени со боја и цемент.
„Има недостаток на почит кон земјата и водата, Хаваите се еколошки кревки, има малку преостанати мочуришта“, додаде Кокс.

Зголемувањето на нивото на морето, исто така, предизвикува солената вода да ги загадува изворите на слатката вода на островот, а посилните бранови на бури и зголемувањето на нивото на морето, исто така, ја забрзуваат ерозијата на бреговите, предизвикувајќи плажите полека да исчезнуваат, известува Climate Reality Project, непрофитна организација.
Кокс во жалбата до Одделот за чиста вода на Одделот за здравство на Хаваи изјавила дека станува збор за контаминација и кршење на Законот за чиста вода. Испуштањето на алкохол во водата имало штетно влијание и врз рибниот свет.
По пријавувањето до надлежните институции и кога надлежните утврдиле од каде настанал проблемот, на дистрибутерот на алкохол му било наредено „да го запре испуштањето“, а надлежните додаваат дека се уште трае мониторингот на теренот, во соработка со Министерството на здравје.

Извор: Washington Post

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

FAME’S Institute Unplugged Session на Плоштад „Коцка“ во Автокоманда

Денес, со почеток во 20:30 часот на плоштадот „Коцка“ во Автокоманда, ќе имате можност да …