ekran платформа за слободоумни
Обезбедете му ја потребната количина на цинк на вашето тело на природен начин
Цинкот е исклучително важен минерал, поради неговите антиоксидантни својства кои ќе помогнат да се зајакне имунитетот. Го има во речиси сите органи, а најмногу го има во еритроцитите (црвените крвни зрнца), коските, мускулите, црниот дроб и простатата кај мажите. По железото, цинкот е вториот микроелемент во човечкото тело.
За разлика од некои супстанци, телото не може да складира цинк, што значи дека е неопходно секојдневно внесување на цинк преку храната. Човечкото тело содржи околу 2-3 грама цинк. Препорачаната дневна доза за жени е 8 мг на ден. Кај трудниците тој број се зголемува на 11 мг, а кај доилките на 12 мг. Внесувањето на цинк за време на бременоста позитивно ќе влијае на здравјето на мозокот на бебето.
Вегетаријанците и луѓето кои не јадат месо мора да бидат особено внимателни – тие треба да земаат дури повеќе од 50% од препорачаната дневна доза на цинк од храната. Група на луѓе кои имаат поголем ризик од недостаток на цинк се спортисти, алкохоличари, лица со гастроинтестинални заболувања и оние кои земаат одредени лекови подолго време.
Цинкот во храната помага да се зајакне имунитетот
Опаѓањето на имунитетот е многу честа појава кај луѓето и може да се случи поради многу причини. Во овој случај може да се појават чести воспаленија и повторливи инфекции, хронични инфекции, а опоравувањето од болеста е подолго и потешко доколку имунитетот е слаб.
На пад на имунитетот може да влијаат пушењето, хроничните болести, исцрпеноста и недоволното спиење, физичкиот и психичкиот стрес, неправилната исхрана, недоволното движење… За да го зајакнете имунитетот, можете да почнете да консумирате поголеми количини цинк преку храната.
Цинкот во исхраната се наоѓа во овие намирници:
Производи од месо – телешки црн дроб, јагнешко, говедско, пилешко и мисиркино месо, свинско месо. Риба – остриги, школки, ракови, туна, ракови
Интегрални житарки и пшенични никулци
Јајца
Соја
Пивски квасец
Млечни производи – сирење, млеко и јогурт
Семки – сушени семки од лубеница, семки од тиква, семки од сончоглед, семки од чиа
Јаткасти плодови – кикиритки, бадеми, ореви
Зеленчук – краставици, зелена салата, маслинки, кромид, грашок, спанаќ, слатки компири, домати
Овошје – авокадо, банани, киви, јагоди, праски
Какао
Ова се намирници кои лесно можете да ги вклучите во вашето дневно мени и да ги комбинирате во различни јадења.
Фото: Архива
